هتكلم عن نقطة مهمة جداً في تغذية الرياضيين وهي البروتين 
من زمان وبيتصدر للرياضيين فكرة إن البروتين هو العنصر الاوحد والاهم 
في تغذية كل رياضي
وإن مشروب شحاته أبو كف ( البيض باللبن ) هو المشروب السحري لبناء العضلات و مش هنختلف في أهمية البروتين لبناء العضلات و لتعويض تلف الأنسجة العضلية إلي بيحصل أثناء التمرين 
ولكن ؟؟؟؟؟؟؟؟؟؟ في حدود الحد المسموح وهو من١,٢ : ٢ جم بروتين لكل كجم من الوزن وده بيتحدد علي حسب: عمر اللاعب وحالته الصحية ووظائف الكلي وتاريخه الوراثي ونوع وشدة الرياضة الي بيلعبها
وخلينا ننوه إن زيادة نسبة البروتين عن الحد المسموح به لفترات طويلة
والي بنشوفه من أنظمة جيم غير متوازنة
و اقبال رهيب علي المكملات وخاصة المراهقين بتأثر علي الجسم
كل ده علي المدي القريب: بتأثر بالسلب علي أدائك في التمرين
و بتزود العبء علي الكبد والكلي
تزود فرصة تكوين الحصوات
و كمان بتحفز المثانة لزيادة إدرار البول وبالتالي بتكون عرضة للجفاف الي بيأثر جدا علي أداء اللاعب في التمرين.
فتغذية أي رياضي لازم تكون متوازنه و يكون نظامه الغذائي متكامل و يركز علي البروتين عالي الجودة (من المصادر الحيوانية)
ولكن في حدود النسبة المسموح بيها ( مع بعض الاستثناء لحالات معينة: ومنها التعافي بعد الاصابات والي بتتضاعف فيها نسب البروتين لتمام الشفاء ) 
زي ما لياقتك مهمة بالنسبالك في الوقت الحالي حاول تشوف الصورة كاملة وتحافظ علي صحتك قدام
ودمتم بألف صحة د/ هداية علي
صور لتغذية اللاعبين والرياضيين مع الدكتورة هداية على
