مين قال ان البدايات صعبة 
الصعوبة ديماً في نص الطريق
ده في الحياة بشكل عام
وفي الدايت كمان
البدايات ديماً بتكون مليانة بالحماس
بتكون عايز تعمل الي عليك بنسبة ١٠٠٪
بعد فترة ممكن تبدء ترجع خطوات واحدة واحدة لورا
لحد ما يقل التزامك ناحية نفسك أولًا
وبعد كده تنسي الهدف الي انت بدءت علشانه
فعلشان تقدر تستمر وتكمل :
فكر نفسك ديماً بهدفك ( أنا ليه بدءت علشان شكلي علشان صحتي علشان ……….)
شوف صورك قبل ما تبدء دايت
وخد لنفسك صور جديدة في المرحلة الحالية وقارن بينهم
شوف لبسك الي وسع عليك وازاي كان عليك قبل كده
وخلي قدامك حاجة مقاس اصغر كنت بتلبسها قبل ما يزيد وزنك وخلي هدفك انك ترجع تلبسها تاني
وفكر نفسك ان كل كيلو خسرته خلي صحتك أحسن وقلل احتمالية اصابتك بامراض كتير
ركز ديماً علي اكتساب عادات صحية مش مجرد انك بتلتزم بورقة دايت وبعد كده ترجع لنفس طريقة أكلك
خلي في محيطك ديماً الناس الايجابية الي لما تفكر تتراجع تقف جنبك وتساندك
د / هداية علي
